Apat na magkakaibigan ang napag-isipang magbakasyon upang ipagdiwang ang kanilang pagtatapos sa kolehiyo. Hindi alintana ang panganib, napagdesisyunan nilang puntahan ang isang liblib at tagong probinsiya upang pansamantalang makawala sa ingay ng siyudad. Ngunit sa pagkagat ng dilim ay mapapadpad sila sa isang napakatahimik na baryo. Dito rin at makikilala nila ang isang misteryosang babae na nagngangalang Carolina. Habang tumatagal ay nararamdaman na nila ang mga kakaibang nangyayari sa baryo. Unti-unti na rin nilang napapansin ang mga kakaibang bagay na bumabalot kay Carolina.
Ngunit sino nga ba talaga si Carolina? Ano ang koneksiyon niya sa kakaibang nangyayari sa tahimik na baryo?