Piccola antologia leggendaria (o forse no)
studiada, creada, scrita e zuzada fora dei dedi per tuti quei che... Tuti quei che i pensa de no saver,
e co i sa ancora no ghe basta
Tuti quei che i pensa de saver,
senza saver de no saver gnente
Tuti quei che i sa,
ma che ghe piasessi saver de più
Tuti quei che no i sa,
ma che i volessi saver qualcossa
Tuti quei che i ghe dassi bado,
ma i ga sempre altro cossa far. Tuti quei che i credi de gaver spirito,
ma xe solo alcol de brusar
Tuti quei che i parla senza dir gnente,
ma anca quei che no parla disendo tuto.
Tuti quei che i ga de far,
ma i trova pur un fià de tempo per tirar su el morbin
Tuti quei che del dialeto no ghe importa un tubo,
ma i lo parla come che se magna
Tuti quei che no i sa che del daùr vien fora cache,
specie se montade in scagno Tuti quei che i xe triestini patochi de nassita
Tuti quei che no i xe patochi de nassita, ma de cuor
Tuti quei che i vien qua e no i volessi andar più via
Tuti quei che i vien e i va, ma i torna sempre indrio perché
Trieste, se no la xe unica al mondo, poco ghe manca.