Pli ol 60 jarojn post la "sekreta parolado" de Ĥruŝĉovo en la 20-a kongreso de la KPSU envere daŭre malklaras, kio estas "stalinismo"; marksisma esplorado ankoraŭ ne aperis. Multaj eĉ rifuzas la naocion, ĉar laŭ ili ĝi estas nur frapvorto sen enhava substanco por fifamigi la socialismon. Tio ja estas fakto. Sed la afero ne estas tiom simpla. Kozingo iris sur la fundon de la afero, esploris en fontoj kaj kunportis faktojn. Tiu ĉi libro estas kritika, science fundita - ĉar apogita sur fontoj - diskuto pri la stalinismo, kia ĝi ankoraŭ ne okazis, kun komparoj, ekz-e kun la Popolrespubliko Ĉinujo. Lia analizo ne estas sennuanca kontraŭstalinismo, kiu, laŭ li, ofte finiĝas en kontraŭkomunisma renegateco. La aŭtoro Alfredo Kozingo, naskita en 1928, post la Dua Mondmilito studis filozofion kaj historion en la universitato de Halle kaj en la Humboldt-universitato de Berlino. En la 1960-aj jaroj, direktoro de la Filozofia Instituto de la Karl-Marks-universitato de Lepsiko kaj dekano de ties filozofia fakultato. En 1975 li ricevis la nacian premion de la Germana Demokratia Respubliko. Ekde 1973 membro de la Institut International de Philosophie en Parizo, de 1983 ĝis 1988 vicprezidanto de la Fédération International des Sociétés de Philosophie.